Vaaier uur in de mörn
En Grunnen komt dichterbie
Wie binnen op weg noar t Noorden
En doe, doe zitst noast mie
En k heb wìnst
Radio holdt mie wakker
Doe slepst ter dwaars deurhin
k Rook nog mor ais n sigeretje
En k vuil mie hail allìnt, mit mien wìnst

Refraain:
Dammit gaait zun weer schienen
Mor nou vuil k nog de moan
En k wait as ik die aankiek
Hou gaauw t apmoal is goan
Lichten van d'AA7
Momenten op n rieg
Kiek of en tou in spaigel
t Gaait veuls te vlug veurbie
Ik heb wìnst

Dien hoar liekt gries en dunner
Of is t de duusternis
Dak ales van swaarde kaant bekiek
Dak zai, wat ter nait is
Dat is wìnst
Doezend kilometer
Wereld liekt zo klaain
Toch mouten wie al mor wieder
Nog even din zel k die zain, ik heb wìnst

Refraain.

En k vuil mie hail allìnt
Mit mien wìnst.