n Oavend in de haarst, stroaten glinstern in de regen
Zunder doul en parreplu, laip k allain deur Stad
Bie n poar verlichte hoezen, doar kwam k heur tegen
Messchain baident op zuik, mor k wait zeker, dwaarsdeurnat

t Licht van lanteerns scheen steerntjes in heur ogen
Heur hoar hing in slieren laangs heur blaik gezicht
Dou dee k wak nooit doun zol, k zee: "loat ons goan schoelen"
Ze het loater tougeven: ze was nog nooit zo vlug zwicht.

Refraain:
En ze lagde hail verlegen in Stad in regen
Ze lagde hail verlegen in regen in Stad

Wie gingen noar n kroug op Groot Maart, konst op koppen lopen
Mor wie bleven wachten, ondanks drokte en lewaai
Noa n zetje kwam d'ober, brochde ons waarme sukkeloade
t Was midden in oktober, mor k vuilde mie in maai

Refraain.

Zai zee: "k goa op hoes aan, k woon twij stroaten verder"
Blifstoe hier achter, of gaaist met mie mit
Ze woonde op de tiende en ik bleef bie hier schoelen
Heur haart mor ook heur bèr waren groot genog veur mie en t wicht

Refraain.