k Vin mien rust in de wiede poller
Allain op fietse laangs diek
Mit de zeewind deur mien hoaren
Vuil ik mie doar vrij en riek
Of t nou veujoar is, haarst, winter
n Waarme zummerdag
t Moakt nait oet, t is der genieten
Je zain netuur in aal zien pracht
Doe Waddenzee …

As k bie eb dien landschop zai
Mit dien schorren, slikken, geulen
En ploaten van zaand en klaai
k Zai de grutto's en plevaaiern
Scharreln tussen t schorrenkruud
Doe Waddenzee, hemel op eerde
Woar de stilte het nog wint van t geluud
Doe Waddenzee …

k Zai de rotganzen op de kwelder
En t laand aan d'horizon
t Is het òlle aailand Röttum
Woar netuur zien oorsprong von
t Is de roek van zeekraal, lamsoor
t Gevuil van rust, de haile sfeer
t Is het geluk dak doar vinnen kin
En nog zoveul meer
Doe Waddenzee …

As k bie eb dien landschop zai
Mit dien schorren, slikken, geulen
En ploaten van zaand en klaai
k Zai de grutto's en plevaaiern
Scharreln tussen t schorrenkruud
Doe Waddenzee, hemel op eerde
Woar de stilte het nog wint van t geluud
Doe Waddenzee …