'k Dou mit aan n grode lotterij
En 'k lig al op mien ber
As Hennie Hoesman veur deure staait
Dij zegt "Joe binnen miljonair"
'k Wor doezelg en mizzelk tougelieks
't Is nait te geleuven
Zo gain rimpel en din in ainen
Heb ik 'n miljoun of zeuven

refr.:
Mor din wor 'k wakker, boadend in 't swait
'k Lig noast berre op de grond
'k Heb nog noeit zo ruier dreumd
Mien kop dij tolt in 't rond

'k Kocht mie 'n schier hoes veur 'n tun of negen
Mit tien bunder laand der bie
Duroabel peerd heb 'k op peerstaal stoan
Waor 'k of en tou op rie
Chauffeur en toenman heb 'k in dainst
Maaid woont bie mie in
Bie mie thoes is t aaltied feest
Mit kaviaar, wodka, gin

refr.

Mor 'k zeg tegen miezulf "bist riek genog
'k Huif gain auto mit chauffeur
'k Heb 'n schier hoes mit 'n lutje hieptaik
En 'n toentje veur mien deur
Ook duroabel peerd dat huif ik nait
'k Heb aln laive hond
En 'k lus haildal gain kaviaar
Geef mie mor boneklont"

refr.

Mor din wor 'k wakker van telefoon
Wel kin dat weden, wel is der veur
't Is Hennie Hoesman dij mie zegt:
"Excuus, 'k was aan verkeerde deur"